妙問妙答

三歲七個月
媽:「快D食埋D薯仔」
仔:「但係我唔鍾意食喎」
媽:「唔鍾意都要食兩舊喎」
仔:(語氣堅定)「一係我唔食D薯仔,一係你食曬D薯仔;你自己揀啦!」
媽:「⋯」(忍笑好辛苦耶!怎麼抄媽媽的招數抄得如此出神入化呀?!)

-----

於太平館食疏乎里

仔:「呀!呀~~~~呀!」(慘叫中)
媽:「咩事?哦,舊甜品黏住個口入面呀!等媽媽幫你整返出嚟,無事!」
仔:「我唔食嘞,癡住個咀嘅⋯⋯」
媽:「唔怕,呢邊有D甜野,癡立立,媽媽幫你將個皮嗰邊反轉向下,咪唔會癡囉,我餵你啦~好味㗎!」
仔:(張大口想食,0.5秒後突然停住!不虞有詐!)「唔係喎,舊野反向下,咪會癡住下面囉!」
媽:「⋯⋯」(又呃你唔到!)

-----

開飯時間
媽:「好喇,等媽媽夾D餸俾你先⋯⋯」
仔:「哎喲,你夾爛咗舊魚喇,你夾返埋去先啦 快D!」
媽:「做咩呀?」
仔:「你都未影相,你唔係要影相嘅咩?!」
媽:「唔駛啦,好肚餓呀!」
仔:「唔好住先啦,快D去攞手機先啦,舊魚咁靚,影返張靚相先啦!」
媽:「⋯⋯」(管家仔,你快D同我食飯啦!)

-----

玩車仔
媽:「你知唔知呢架車呢度寫住咩呀?」
仔:「銅鑼灣!」
媽:「唔係銅鑼灣,係寫住『的士』呀,你想坐的士去邊都得㗎,唔一定係去銅鑼灣㗎」
仔:「哦⋯⋯咁去加拿大得唔得㗎?」
媽:「點去呀?」
仔:「連埋架的士一齊去坐飛機咪得囉!」
媽:「⋯⋯」

-----

最近與小謙的對話中,經常出現「咁如果。。。呢?」的疑問,例如:

媽:「你借個玩具俾小朋友玩一陣啦,佢一陣會俾返你㗎」
仔:「咁如果佢唔會呢?」
媽:「唔會,佢玩完會俾返你㗎」
仔:「但係如果佢攞咗返屋企唔俾返我呢?」
媽:「@_@」

媽:「你快D食啦」
仔:「咁如果我唔快D食呢?」
媽:「@_@」

媽:「我地買呢包菜啦,爸爸鍾意食」
仔:「咁如果佢話唔鍾意食呢?」
媽:「@_@」

吃得太少、擔心太多的三歲半,問題天天都多,以上是今個星期的妙問妙答,多謝收睇。
{不定期連載中}

2015/01/img_0436.jpg

廣告

發表迴響

在下方填入你的資料或按右方圖示以社群網站登入:

WordPress.com Logo

您的留言將使用 WordPress.com 帳號。 登出 / 變更 )

Twitter picture

您的留言將使用 Twitter 帳號。 登出 / 變更 )

Facebook照片

您的留言將使用 Facebook 帳號。 登出 / 變更 )

Google+ photo

您的留言將使用 Google+ 帳號。 登出 / 變更 )

連結到 %s